Saving Hacks

【慳住過!農曆新年假期慳家攻略】

gini | February 1, 2019

辦年貨係錢、送禮係錢、派利是又係錢,新年假期唔想再洗錢?但又唔想日日拜年咁寡?gini幫你由年三十晚plan到落年初三,等你過一個充實又抵玩的農曆新年假期!

年三十 2019年2月4日(星期一)

下班後

幸運地有得提早放工嘅你,可先到附近的年宵行一圈,趁人流較少的時候到乾貨區發掘今年的創意產品。今個豬年,維園年宵有不少與豬有關的創意年貨:$238任揀一隻豬公仔任塞零食、豬手公仔、發聲豬公仔等,位於九龍區的花墟亦同樣值得一去。

晚飯過後

食完飯大概10點,仲可以把握最後機會行年宵,呢個時間行年宵就最熱鬧同最有新年氣氛,人流亦最多,過12點仲有機會執到平貨!

農曆初一 2019年2月5日(星期二)

中午

朝早拜完年無野做,可到元朗YOHO MALL嘅室內年宵市場行下,場內有超過60個賀年美食及年花攤位,大量貨品更有會場獨家優惠,啱曬仲未買齊賀禮嘅你作最後衝刺!大囍慶至尊蝦子麵62折$28

日期:即日至2019年2月12日

晚上

由下午6時起,到巡遊路線一帶參與熱身派對,欣賞舞蹈團、小丑、魔術師的街頭表演,到晚上8時,花車巡遊匯演隊伍正式由尖沙咀香港文化中心出發,沿經廣東道、海防道、彌敦道及梳士巴利道,帶嚟精彩嘅演出。

時間:晚上8:00至9:45(巡遊路線一帶將在下午6:00舉行熱身派對)

巡遊路線九龍尖沙咀主要街道(首架花車及表演隊伍預計將於晚上8:30到達廣東道、8:50到達海防道、9:00到達彌敦道)

農曆初二 2019年2月6日(星期三)

早上

唔洗拜年嘅你,可以趁呢個全城拜年的日子去AIA嘉年華,遊人應該會比平時少好多,嘉年華十一點先開,放假可以晏d起身,食完lunch再去玩!

晚上

下午8時到維港兩岸欣賞一年一度、歷時23分鐘的農曆新年煙花匯演,喺壯麗奪目嘅煙花下迎接璀璨嘅豬年!

農曆初三 2019年2月7日(星期四)

早上

前兩日拜年東奔西走,假期嘅最後一日當然瞓到自然醒,再出去食個早午餐,以下精選餐廳經eatigo訂位可享7折優惠。

Morokok

Morokok坐落於交通便利的旺角,除了提供多款泰式和西式美食外,更將兩地菜式融合成新派fusion菜,如泰式烤紐西蘭羊鞍架配泰式薄荷醬。

*需於11:30-12:00期間入座

The Italian Club

如果泰式和fusion菜唔啱你,不妨到位於中環的The Italian Club品嚐正宗意大利菜,餐廳由意大利人主理,提供各式高品質的意大利手工美食。

*需於11:30-12:00期間入座

晚飯前

於六點半至九點期間到天際100,就可以欣賞到以夜空及香港特色圖案為設計主題,名為「愛在天際」的光影匯演。當中包括鯉魚及花形煙花的立體動畫,寓意鯉躍龍門、花開富貴。

而只要你係香港人,身份證上的名字內有以下指定花名的其中一字,包括︰桃花﹑牡丹﹑水仙﹑菊花及百合,或名字有「草花頭」之筆劃,即可在優惠期內享有「正價成人標準門票買一送一優惠」,實行「二人同行 一人免費」。

推廣日期:2019年1月24至2月28日

地點:西九龍 Austin Rd W, 1號環球貿易廣場(ICC)

詳情

晚飯

假期的最後一晚,當然要把握最後放鬆的機會,食餐好嘅就最好不過!食好野就一定貴?錯喇!只要用eatigo訂位,指定時間入座即可享低至5折折扣優惠。

Second Street Comfort Food and Bar

餐廳主打地中海菜,配上簡約清新的環境更添寫意。21:00-21:30期間入座可享低至半價!

皇御園Dynasty Garden

如果西餐食到厭,可到皇御園Dynasty Garden享用高級粵菜,品嚐拍青瓜清酒醉鮑魚、芝士焗釀蟹蓋、紅酒火焰黑豚肉等各式風味。

想知道您的豬年工作財運?萬眾期待的gini Android版本現已推出,ios版本亦同步革新,立即下載最新版本,體驗嶄新的理財生活!

gini祝你新一年萬事如意,年年有餘!

Comments