FinTech

《虛擬銀行你要識》5間海外成功例子

gini | June 4, 2019

今年政府大力推動金融業革新,金管局至今已發出一共8間虛擬銀行牌照, 預計係未來6至9個月會投入服務。香港一方面急起直追, 而歐美challenger banks一早已經比香港走前4至5年,估值更加屢創新高, 嚇到傳統銀行都要諗計應對。而對廣大消費者嚟講當然係天大喜訊,無論係產品種類、設計, 以至個人化服務都有非常大的改進。以下呢5間海外digital banks 就可以俾大家FF 吓香港未來的虛擬銀行可以為大家提供啲咩產品同服務。

 

  1. Monzo

 

2015年創立,現時英國最灸手可熱的虛擬銀行,公司估值超過10億英鎊,用戶人數近2百萬。Monzo 由2015推出大受歡迎的珊瑚色記賬卡(Debit Card) 到2017年取得銀行牌照, 短短幾年間,已吸引大批新一代以手機理財為主的年輕用戶。基本上Monzo 已經做到一般銀行服務,賣點當然係更快,費用更低。用Monzo卡可以免費係海外提取現金、海外匯款、亦有消費提示、消費報告,及直接於App 內轉用公用服務供應商等等。 另一方面公司有做crowdfunding忠粉可以向公司提供用戶意見之餘,仲可以做埋投資者,齊齊grow間公司。

  1. Revolut

同樣於2015年於英國成立, Revolut 已成為估值近17億美元的獨角獸,擁有近4百萬名用戶,提供免費國際匯款、設立財務預算、即時過數,更可以購買加密貨幣。公司大力拓展海外市場, 除歐洲、美國等國家,Revolut 亦計劃進軍亞洲,並於新加坡設立Office, 可能好快會嚟到香港。

 

  1. N26

N26早於2013年於德國成立, 最為港人熟識莫過於佢有誠哥嘅光環,早年獲得李嘉誠旗下創投基金Horizon Ventures 投資,今年1月的最新估值達27億美元 比Monzo及Revolut還要高。N26已經取得德國的銀行牌照(歐盟成員國認可), 為超過26個國家提供digital banking 服務,公司亦同Transferwise合作, 可即時兌換及過數近19種貨幣,收費比一般銀行低6倍。

 

  1. Starling Bank

2014英國成立的Startling Bank, 由前愛爾蘭聯合銀行高層 Anne Boden創辦。公司已經推出基本Digital Banking 的服務,如免費於20分鐘開戶、戶口不設最低存款額,可於郵局提取現金,提供預算及即時消費紀錄及報告,更設有金融產品比較平台, 用戶可比較不同銀行提供的按揭、貸款及保險等服務。

 

  1. Moneylion

Moneylion於2013美國紐約成立, 賣點係無利息及手續費的現金透支服務,亦可隨時睇住自己的信貸報告。我認為最吸睛係張記賬卡, 設計非常新穎有型,更有高達12%的現金消費回贈! 香港一般信用卡都係得2%咋。

 

歐美有咁多咁成功的虛擬銀行,非常期待香港虛擬銀行正式推出,為全港市民帶來更多高質、方便、低門檻的銀行服務! 用埋gini 管理本地同海外銀行戶口,緊貼最新fintech發展。

 

想了解更多金融業的新發展:

Lessons we should learn from the UK on Open APIs

【 FinTech解密】API有咩用?深入淺出了解銀行開放API對大家嘅好處

Fintech Buzzwords You Need To Know: ISO 27001

 

Comments